SK Chair Gab Lopez, Kagawad Jesse Granada Napiling Dumalo sa DRAPAC 2025

Ang Pamahalaang Barangay ng Kanluran Kabubuhayan ay buong pusong bumabati kay SK Chairperson Gabriel Matthew Lopez sa kanyang pagkakapili bilang fellow sa nalalapit na Digital Rights Asia-Pacific Assembly Fellowship Program (DRAPAC25) na gaganapin sa Kuala Lumpur, Malaysia sa darating na Agosto 24–29, 2025.

Napili si SK Gab sa ilalim ng espesyal na alokasyon para sa mga youth advocates at members of civil society. Isang malaking karangalan ito hindi lamang sa kanyang personal na adbokasiya, kundi pati na rin sa Barangay Kanluran Kabubuhayan, na kanyang kinakatawan.

Kasama rin sa pagtitipon si Barangay Kagawad Jesse E. Granada bilang opisyal na kalahok sa naturang programa. Ang kanilang pagdalo ay inaasahang magbubunga ng mga bagong kaalaman at karanasan na makatutulong sa patuloy na pagpapaunlad ng serbisyo publiko sa barangay.

Ang DRAPAC Assembly ay isang regional na pagtitipon ng mga tagapagtanggol ng karapatang pantao sa digital na panahon, na nilalahukan ng mga lider mula sa iba’t ibang bahagi ng Asia-Pacific.